Meeqqanut tapiissut

Meeqqanut tapiissutinik pisalersinnaaneq pisinnaavoq, meeraq 18-it inorlugit ukioqarpat. Tapiissutinik tigusisussaq Kalaallit Nunaanni angerlarsimaffeqassaaq innuttaasullu nalunaarsorsimaffianni nalunaarsugaassalluni. Meeqqanut tapiissutinik pisartagaqalernissamut tigugisussap makku qulakkeerneqassavai:

 

·       Qallunaat naalagaaffianni innuttaasuussasoq, tassani pineqarput meeraq imaluunniit tapiissumik pisussaq,

·       Imaluunniit ukiuni kingullerni Kalaallit Nunaanni najugaqarsimassasoq,

·       Meeraq pisortanit pilersorneqassanngitsoq,

·       Meeraq katissimassanngitsoq.

 

Meeqqanut tapiissutip annertussusissaa ukioq ilivitsukkaartumik aningaasartuutissanut inatsimmi aalajangerneqartarpoq tunniunneqartarlunilu. Meeqqanut tapiissut ukioq naallugu isertitat akileraarutaasussat tunngavigalugit annertussusilerneqartarpoq. Isertitat akileraarutaasussat annertussusissaat aalajangerneqartarpoq aningaasanut inatsissmi isertitanut killigititaasut malillugit.

 

Meeraq angajoqqaarisamini najugaqarpat, meeqqanut tapiissut meeqqap arnaanut tunniunneqassaaq, angajoqqaajusut akornanni immikkut isumaqatigiittoqarsimanngippat, tapiissut ataataasumut tunniunneqassasoq.

 

·       Meeraq anaanamini ataataminiluunniit najugaqarpat, meeqqanut tapiissut, meeqqap najugaqarfigisaanut tunniunneqassaaq.

·       Meeraq angajoqqaamini naafferartumik najugaqartuuppat, tapiissut, inunnik nalunaarsuiffik malillugu meeqqap angajoqqaatut nalunaarsorsimaffigisaanut akilerneqassaaq¹.

 

Meeqqanut tapiissut tunniunneqartarpoq Inatsisartut inatsisaat nr. 9 7. decembari 2009-meersoq meeqqanut tapiissut tunngavigalugu. Inatsit atulersinneqarpoq 1. marsi 2010.

 

Note 1) Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq (2012). Meeqqat tapisiaannut ilitsersuut. Naalakkersuisut